हरयाणवी चुटकुले: प्यार के झगूड

 


एक हरयाने का देसी नजदीक के शहर में दारू पी कै
फिल्म देखण चल्या गया ।
फिल्म में हीरो अर हिरोइन पेड़ के तले बैठे अर
हिरोईन हीरो त बोली- जानम मुझे तेरी आँखों में
प्यार ही प्यार नजर आता है और सारा संसार नजर
आता है ।
फिल्म ख़त्म हुयी , देख कै बहार लिकड़े त उस
डाक्की क ओर त कुछ याद रह्या ना बस याहे बात
याद रहगी ।
सांझ ने घरां पहुँच क आपने घरआली त बोल्या – कालू
की माँ सारे काम छोड़ कै एक बै उरे न आ ।
घरआली डर गी के आज त दारू पी रहा स कुछ
ना कुछ कलेश करेगा ।
वा बोली – देख डंगरा ने सम्भालन का बख्त
हो रहा स , काम कर लेन दे तेरे त पाछे बतलाऊंगी ।
वो बोल्या – ना डांगर डान्गुर पाछे छेडिये पहलम तू
उरे ने आ ।
इब वा डरती उस धोरे चाली गयी अर
बोली तावला सा बता के काम स ।
वो बोल्या – तू एक बे मेरी आंख्यां में देख क बता ,
तने कीमे दिखे स ?
वा उस की आँख्यां में देख क बोली – मने त कुछ
बी ना दिखता ।
वो बोल्या – ना तू ध्यान त देख तन्ने कुछ दिखे
गा ।
वा बोली – जले मन्ने ओर त कुछ दिखता ना बस
ढीढ अ ढीढ दीखे सँ ।
वो बोल्या – अरै बावली तेरी समझ में
ना आयी … ये ढीढ कोन्या , ये त प्यार के झगूड उठ रे
सँ ।

—मखौलिये जाट कह दे सच्ची बात !!!!!

Author

achoudhary15@gmail.com
अखिल चौधरी म्हारा हरियाणा पोर्टल के प्रमुख लेखक है। वे हरयाणा के सोनीपत जिले के रहने वाले हैं। उनका उद्देश्य इस पोर्टल द्वारा हरयाणा की समय समायिक जानकारी के अलावा हरियाणा की भाषा, संस्कृति अवं लोक व्यव्हार को इंटरनेट के जरिये विश्व पटल पर लाना है।

Leave a Reply

Your email address will not be published. Required fields are marked *